Приходот од СМС-пораките за паркирање на роденденот на Битола ќе оди за хуманитарни цели

Хуман гест на битолското претпријатие Паркинзи. Имено, иако паркирањето во Битола било бесплатно на 4 Ноември по повод празникот на градот односно роденденот на Битола, голем број граѓани платиле паркинг. Од претпријатието соопштија дека 1.363 корисници испратиле вкупно 2.747 СМС-пораки за регулирање на паркинг-сесиите.

Од „Паркинзи Битола“ соопштија дека целиот приход од испратените пораки ќе биде префрлен во приходите од хуманитарните паркинзи.