Како со дронови се лоцира фронтовата линија на пожар со цел заштита на моликовите шуми на Пелистер

Со употреба на дронови полесно и побрзо може да се лоцира фронтовата линија на пожарот кога со огнот се зафатени шуми.

Токму на оваа тема, ученици од СОУ „Таки Даскало“ од Битола, како дел од проектот „Дигитална акција за зелена реакција“ на граѓанската организација Граѓански Патеки Битола, започнаа истражувачка мисија за заштита на животната средина.

Поткастот кој го водат Дарко Стефановски и Марко Савиќ открива како дроновите му помагаат на Националниот парк Пелистер во раната детекција на пожарите, кои се предизвиците со кои се соочуваат чуварите на шумата и што можеме сите ние да направиме со цел преку одговорно однесување при престој во природа да ги зачуваме нашите зелени богатства.

Слушнете повеќе во поткастот продуциран во рамките на проектот „Дигитална акција за зелена реакција“ поддржан преку грантовата шема Digital Spark, како дел од проектот Регионален механизам за поддршка EECA, имплементиран од Фондацијата Metamorphosis и TechSoup, во партнерство со CIVICUS и во рамките на Иницијативата за дигитална демократија (Digital Democracy Initiative) DDI што го опфаќа Глобалниот Југ.