БК Ронин го освои шампионскиот пехар во Првата бокс лига, во младинската лига најдобар БК Пинк Пантер од Штип

Денеска во Прилеп, се одржа шестото и последно коло од Првата и Младинската бокс-лига на Македонија, на кое БК „Ронин“ ја потврди својата сила и го освои шампионскиот пехар во Првата лига.

„Имав чест да му го врачам пехарот на нашиот шампионски клуб и лично да им честитам за овој голем успех, на боксерите, тренерите и целиот тим за трудот, посветеноста и остварените резултати. Посебни честитки до БК „Ронин“ и за одличната организација на завршното коло, со кое Прилеп уште еднаш се потврди како град што го сака и го поддржува спортот. Честитки и до БК „Пинк Пантер“ од Штип за освоеното прво место во Младинската лига, како и до сите учесници за спортскиот дух и прикажаните борби. Продолжуваме да ги поддржуваме нашите спортски клубови и спортисти. Нивните успеси се успеси на Прилеп, а зад секоја победа стојат многу труд, дисциплина и упорност.“-соопшти прилепскиот градоначалник Дејан Проданоски.