Добиваме еден час повеќе за спиење: Ноќеска се поместуваат стрелките на часовникот – започнува зимското сметање на времето

Во недела, на 25 октомври, започнува зимското сметање на времето, кога стрелките на часовникот ќе се поместат еден час наназад.

Во 3 часот по полноќ, часовниците ќе се вратат на 2 часот, што значи дека граѓаните ќе добијат еден час повеќе за спиење.

Македонија, како и останатите земји од регионот и членките на Европската Унија, и оваа година го следи воспоставениот распоред за сезонско менување на времето.

Европската Унија веќе предложи да се стави крај на сезонското менување на времето, но земјите-членки сè уште немаат постигнато договор за тоа.

Фотографија: Vecteezy