Под менторство на проф. д-р Виктор Камнар сложени операции за вградување вештачко колено во битолската болницата

Клиничката болница - Битола соопшти дека познатиот и надалеку признат, проф. д-р Виктор Камнар, ортопед ќе ја понуди својата експертиза во битолската болница при што под негово менторство ортопедите од болницата ќе изведуваат сложени оперативни зафати.

Проф. д-р Камнар е доктор на медицински науки и вонреден професор, со долгогодишно клиничко и хируршко искуство. Операциите кои овојпат ќе бидат изведени, се за вградување вештачко колено, при кои ќе се користи системот ATTUNE на Johnson & Johnson, најнова генерација вештачко колено од овој производител, кое овозможува третман на различни форми на гонартроза, појаснуваат од болницата.

Додаваат дека соработката воедно придонесува за размена на искуства и стручно доусовршување на ортопедскиот тим во Клиничка болница Битола.