Актуелно: Пари од Алта банка денес подигнаа 360 граѓани кои немаат платежна картичка • Приходот од СМС-пораките за паркирање на роденденот на Битола ќе оди за хуманитарни цели • За прилепчани, ресенчани и охриѓани утре организиран превоз за подигање пензии од Алта банка Битола • Минофрлачки гранати пронајдени при изградба на автопатот Битола – Прилеп • Не само камерите, и полициски возила ќе „ловат“ несовесни возачи • ДЛУБ ја постави ноемвриската изложба во чест на Битола • Изборите во САД ги тресат берзите, најпогодени компаниите поврзани со вештачка интелигенција • Температурите ќе се спуштаат и под нула

За прилепчани, ресенчани и охриѓани утре организиран превоз за подигање пензии од Алта банка Битола

Објавено: 6 ноември 2026, 23:51 ч.

Народната банка соопшти дека за граѓаните од Прилеп, Охрид и Ресен, кои имаат платежна сметка во „АЛТА банка“ АД Битола, а не располагаат со платежна картичка, утре, сабота, 7 ноември, ќе биде организиран превоз од овие градови до филијалата на Банката во Битола и назад.

На овој начин ќе им се овозможи полесно да пристапат до средствата на своите сметки и да подигнат готовина.

Враќањето до местото на живеење ќе биде откако сите клиенти на банката ќе си ги подигнат своите средства.

Распоредот и местата на поаѓање се следните:

Прилеп: Плоштад „Методија Антонов-Ченто“ (пред „Реклами“), во 10 часот;

Охрид: градската автобуска станица, во 11 часот;

Ресен: кај маркетот „Кипер“, во 12 часот.

Народната банка потсетува дека од понеделник, 9 ноември, ќе бидат отворени и шалтерите во Тетово и Струмица, каде што граѓаните кои немаат платежни картички ќе можат да подигнат до 20.000 денари.

А.Ш.