Борче Наумовски – „Министерот“ најави нова песна за фестивалот Роса Фест 2026

Познатиот фолк пејач Борче Наумовски, познат во јавноста како „Министерот“, ја комплетираше својата најнова музичка нумера со наслов „До сто и една вака ќе ви пеам“, со која годинава ќе настапи на реномираниот фестивал „Роса Фест 2026“.

Новата композиција е плод на соработка со докажани имиња од македонската естрада. Музиката и аранжманот се дело на маестро Кирил Стојчевски, додека текстот го потпишува Валентин Соклевски. Песната е снимена во музичкото студио „Просаунд“ (Prosound) кај Славко Ристески во Прилеп.

Споделувајќи ги првите импресии со своите пријатели и соработници, пејачот изрази голема мотивација и задоволство од завршениот проект, посакувајќи ѝ успешен пат на новата песна кај љубителите на македонската фолк музика.