Македонските патници повторно ќе можат директно да летаат од Скопје до Дубаи - полесна врска со Австралија и Азија

Авионската компанија „Флајдубаи“ (flydubai) од 1 април 2027 година повторно ќе ги воспостави летовите меѓу Меѓународниот аеродром во Дубаи и Меѓународниот аеродром Скопје.

Преку партнерството со „Емирати“, патниците од Скопје ќе можат да продолжат кон бројни дестинации во Австралија и Азија, меѓу кои Шангај и Сингапур.

Линијата е особено важна и за Македонците кои живеат во Австралија бидејќи ќе им овозможи полесна врска со татковината.

Предвидени се ти лета неделно - понеделник, четврток и сабота.

Почетната цена на повратен билет од Скопје до Дубаи во економска класа ќе изнесува 580 евра, додека билетите во бизнис-класа ќе започнуваат од 3.000 евра.

Авиолинијата ќе овозможи полесно движење за голем број Македонци кои работат и живеат во Дубаи, но и за посетителите од Дубаи кои покажуваат се поголем туристички интерес за Македонија, особено за Охрид.