Шалтери во Битола, Скопје и Струмица ќе се отворат за корисниците на социјална помош за подигање средства од Алта Банка

Се прават подготовки со цел над 5.000 корисници на социјална помош и други права од социјална заштита кои имаат сметки во Алта банка да добијат можност да ги подигнат своите средства директно на шалтер.

„Се работи за околу 5.000 корисници на социјална помош и други права од социјална заштита кои што имаат сметки на Алта банка ќе имаат приоритет при подигнување на средствата и да не бидат лимитирани и да можат целиот износ да си го подигнат од отворените шалтери“, изјави министерот за социјална политика и демографија Ѓоко Велковски за ТВ Телма.

Планот е да се отворат три шалтери, најпрво во Битола, а потоа и во Скопје и Струмица.