Млади талентирани прилепчани со љубов цртаа по повод роденденот на Прилеп

По повод Денот на ослободувањето на Прилеп – 3 Ноември, во Ликовната галерија при НУЦК „Марко Цепенков“ се одржа традиционалниот ликовен хепенинг во организација на Ротари клубот Прилеп.

На овој инспиративен настанот учествуваа талентирани ученици од училиштата од градот, кои преку своите ликовни творби ја изразија својата креативност, инспирација и љубов кон родниот град.

Ликовната галерија за време на хепенингот зрачеше со младешка енергија, бои и уникатни визуелни раскажувања, потсетувајќи ја јавноста на важноста од поттикнувањето на младите уметнички таленти. Традиционалниот ликовен хепенинг и оваа година се покажа како прекрасна можност за дружење, меѓусебна инспирација и достоинствено одбележување на празникот на Прилеп.