Музички маратон „Со љубов за Битола“ - по повод роденденот на градот Битола

По повод 4 Ноември – Денот на ослободувањето на Битола, Државното музичко училиште – Битола го најавуви традиционалниот „МУЗИЧКИ МАРАТОН – СО ЉУБОВ ЗА БИТОЛА“, музички настан посветен на Битола, нејзината богата културна традиција и љубовта кон музичката уметност.

Настанот е во организација на Државното музичко училиште – Битола, во соработка со Културно-информативниот центар – Битола и Општина Битола, и претставува дел од официјалната програма за прослава на 4 Ноември – Денот на ослободувањето на Битола.

„На овој величествен музички настан, над 150 ученици од нашето училиште ќе имаат можност да ги претстават своите музички вештини, талентот и уметничките достигнувања, демонстрирајќи ја својата посветеност, љубов и страст кон музиката. Низ пет концерти, нашите млади музичари ќе ја претворат сцената во вистински празник на музичката уметност, исполнет со прекрасни изведби, инспирација и незаборавни емоции. Овој музички маратон ќе биде уште една потврда за квалитетот на музичкото образование, континуираната работа и богатата традиција што со гордост ја негува нашето училиште. Битола е град со вековна култура, уметност и музичка традиција, а нашето училиште со гордост продолжува да биде дел од нејзината богата музичка приказна. Ве покануваме заедно да го прославиме празникот на Битола. Затоа што Битола ја сака музиката, а ние твориме со љубов за Битола.“-велат од музичкото училиште.

🎵 ПРОГРАМА НА КОНЦЕРТИТЕ:

🕙 10:00 часот – Прв концерт

🕛 12:00 часот – Втор концерт

🕑 14:00 часот – Трет концерт

🕓 16:00 часот – Четврт концерт

🕕 18:00 часот – Петти концерт

📅 4 ноември 2026 година

📍 Културно-информативен центар – Битола