ВИДЕО: Битолчанката Марија Цветановска со нова музичка магија - Премиерен видеозапис за песната „Кога те љубев“

Талентираната битолчанка Марија Цветановска ја одушеви публиката со својот најнов музички проект – новата песна и видеозапис насловени „Кога те љубев“, кои веќе предизвикуваат голем интерес на каналот YouTube и бележат стотици прегледи само неколку часа по премиерата.

Зад овој емотивен и врвен аудио-визуелен проект стои препознатливиот потпис на Виктор Апостоловски, кој е автор на музиката, текстот и аранжманот, а исто така се потпишува и на комплетната видео и аудио продукција.

Видеото носи посебна естетска приказна во која главната машка улога ја толкува Мартин Стрезовски, додека за беспрекорниот изглед и шминката се погрижи Милена Апостоловска (@glow.by.milena).

Авторите и тимот упатуваат и огромна благодарност до НУ Народен Театар – Битола за соработката и поддршката во реализацијата на ова видео.

Уживајте во новата нумера на Марија Цветановска и поддржете ја домашната музичка сцена!