Битола пред роденденот му оддава почит на човекот кој ја направи препознатлива во цел свет

Во рамките на програмата „Сите бои на сеќавањето" посветена на Денот на ослободувањето на Битола, синоќа се одржа промоција на документарниот филм „Битола, мој роден крај“ , филм посветен на животот, делото и споменот на Ајри Демировски.

Филмот е приказна за човекот, неговите вредности и љубовта кон Битола, а автори на филмот се Шенол Мемиш и Дејан Младеновиќ.

На промоцијата присуствуваше и градоначалникот на Битола, Тони Коњановски. Публиката имаше можност да слушне од авторите на филмот за тоа како Демировски компонирал над педесет песни, меѓутоа најпознат е по песната која нема кој не ја знае, а тоа е, „Битола, мој роден крај“.