Анима Центар дел од 15. конференција на Европската асоцијација за гешталт терапија

Од 22 до 25 октомври, тимот на Анима Центар беше дел од значајната 15. конференција на Европската асоцијација за гешталт терапија (ЕАГТ), на која свечено беа одбележани и 40 години од нејзиното постоење.

Оваа конференција понуди богата програма исполнета со инспиративни предавања, интерактивни работилници и вредни средби со колеги од бројни земји, овозможувајќи нови стручни сознанија, длабока размена на искуства и силна мотивација за понатамошен професионален развој, соопштија од Анима Центарот.

Посочуваат дека особена радост и гордост за тимот претставуваше моментот кога името на центарот се најде меѓу 47-те тренинг-институти со акредитирани програми, официјално претставени на овој престижен европски собир.

Овој момент го доживуваме како поттик за понатамошна посветена работа, учење и развој на гешталт едукацијата. Продолжуваме да создаваме простор за личен и професионален развој, негувајќи ги вредностите на гешталт пристапот, велат од Анима Центарот.