Имаш работно искуство и вештини, но немаш сертификат? Бесплатна валидација за веб администратори, електричари, механичари..

БЕСПЛАТНА ВАЛИДАЦИЈА НА СТРУЧНИ КВАЛИФИКАЦИИ ВО РЦСОО „ЃОРЃИ НАУМОВ“ – БИТОЛА!

Имаш работно искуство и практични вештини, но немаш соодветен сертификат? Сега имаш можност да ги потврдиш претходно стекнатите знаења, вештини и компетенции и да се стекнеш со официјално призната стручна квалификација, порачуваат од Ѓорги Наумов. Кој може да се пријави?

Невработени лица евидентирани во Агенцијата за вработување на РСМ, со најмалку завршено основно образование.

За кои занимања?

• Електричар

• Администратор на веб-страница

• Инсталатер за греење и климатизација

• Инсталатер за цевкини водови

• Автомеханичар

• Машински механичар

Каде се врши пријавување?

Во Центарот за вработување каде што лицето е евидентирано како невработено. Невработените лица од Пелагонискиот регион можат да се пријават во своите центри за вработување. Сите информации околу процесот на валидација можете да ги добиете и во РЦСОО „Ѓорѓи Наумов“ - Битола.

Термин за пријавување: секој работен ден, од 9:00 до 14:00 часот.

Краен рок: 20 ноември 2026 година, или до пополнување на планираниот опфат од 200 лица.

По успешно завршена проценка и потврдување на квалификацијата, кандидатот добива сертификат согласно Законот за образование на возрасните.



Фото: Unsplash