Над 200 деца учестуваа на „Ептен мини детската велосипедска трка“ во Прилеп

Денеска, Булеварот „Гоце Делчев“ во Прилеп беше исполнет со детска радост, возбуда и насмевки. Над 200 наши најмали учесници беа дел од „Ептен мини детската велосипедска трка“, манифестација која уште еднаш покажа дека најубавите настани се оние во кои главни ѕвезди се децата.

Посебно задоволство беше да се видат најмалите како храбро ги возат своите велосипеди со поддршка од родителите и најблиските, а секој поминат метар проследен со аплауз, охрабрување и искрена детска среќа. За нас, најголемата награда не се резултатите и победите, туку токму овие моменти, детските насмевки, дружењето и создавањето убави спомени. Голема благодарност до сите дечиња и нивните родители за учеството, до организаторите, Здружението за култура и спорт ,,Нови маркови внуци”- Прилеп и сите кои придонесоа оваа прекрасна манифестација да биде успешна, вели прилепскиот градоначалник Дејан Проданоски.