Празнична офф роуд тура по повод роденденот на Битола

Во рамките на програмата за одбележување на 4 Ноември – Денот на ослободувањето на Битола и годинава во организација на ОФФ Роуд клубот „Пелистер“, денес се одржа Офф Роуд тура.

Стартот на турата беше од пред зградата на Општина Битола каде градоначалникот на Битола Тони Коњановски ги поздрави учесниците и им посакаа успешна и безбедна тура низ битолските прекрасни предели, исполнета со авантури и дружење.

Оваа адреналинска тура овозможува уживање во предизвикувачки патеки, убави пејзажи и вистински дух што ги обединува љубителите на мото и роуд возилата и природата.

Добра енергија и убаво дружење, беше целта на годинашната офф роуд тура, во духот на празнувањето на нашиот град, велат од Општина Битола.