Од понеделник повторно се активира Пајак службата во Битола - ќе се отстрануваат непрописно паркирани возила

Од следниот понеделник, 2 ноември 2026 година, ЈП Паркинзи Битола во соработка со СВР Битола повторно ја става во функција специјалната пајак-служба.

Главната цел на оваа активност е ослободување и средување на сообраќајните површини од нелегално паркирани возила кои го попречуваат нормалното и безбедното одвивање на сообраќајот низ градот.

Од претпријатието упатуваат апел до сите граѓани и учесници во сообраќајот на соодветно и одговорно користење на сите сообраќајни површини, со целосно почитување на законските правила и прописи за паркирање.

Фото: Архивски фотографии ЈП Паркинзи