Се роди лама во Зоолошката градина во Битола

Битолската зоолошка градина доби нов, прекрасен жител. На падините на Тумбе Кафе се роди машко бебе од видот лама, кое брзо ги освојува срцата на сите присутни.

Од тимот на Зоолошката градина истакнуваат дека успешниот природен расплод на ова неавтохтоно животно е директен доказ за нивната стручност, посветеност и постојана грижа за добросостојбата на животните.

За сите посетители и љубители на животните, од ЗОО Битола најавуваат и посебно изненадување — наскоро ќе организираат дружба со журка и традиционални мекици за добредојде на новиот член.