Јапонска поддршка за општина Могила - обезбедено возило за управување со отпад

Во општина Могила се одржа церемонија за примопредавање на проект од „Грант програмата за мали проекти“. На церемонијата присуствуваше амбасадорката Кавахара, а домаќин беше г. Драганчо Саботковски, градоначалник на Општина Могила.

Со проектот беше обезбедено возило за управување со отпад за потребите на Општина Могила.

Со обезбедувањето на новото возило за управување со отпад, Општина Могила ќе може да ги унапреди услугите за собирање и управување со отпад, што ќе придонесе за почиста, поздрава и поодржлива животна средина за локалното население.

Градоначалникот Саботковски ја изрази својата благодарност до Владата на Јапонија и народот на Јапонија за нивната поддршка, истакнувајќи дека оваа помош ќе донесе долгорочни придобивки за жителите на општината.