АЛТА банка АД Битола ставена на Листата за набљудување на Македонска берза

Македонска берза денеска соопшти дека Одборот на директори донесе заклучок за внесување на издавачот АЛТА банка АД Битола на „Листата за набљудување“ што се објавува на веб страница на Берзата, согласно член 61-а од Правилата за котација.

Внесување на друштвото АЛТА банка АД Битола на „Листата за набљудување“ е со цел за обрнување на внимание на инвеститорската јавност поради тоа што за друштвото НБРСМ има донесено решение со коешто се воведува администрација во АЛТА банка АД Битола, соопшти Берзата.

Целта на Листата за набљудување на Македонската берза е да посочи на инвеститорската јавност на одредени вонредни околности, ризици или случувања поврзани со конкретен издавач.

Во продолжение го пренесуваме соопштенето на Македонска берза во целост:

Внесување на издавачот АЛТА банка АД Битола на Листата за набљудување

понеделник, 02 ноември 2026

Ве известуваме дека Одборот на директори донесе заклучок за внесување на издавачот АЛТА банка АД Битола на „Листата за набљудување“ што се објавува на веб страница на Берзата, согласно член 61-а од Правилата за котација.

Внесување на друштвото АЛТА банка АД Битола на „Листата за набљудување“ е со цел за обрнување на внимание на инвеститорската јавност поради тоа што за друштвото НБРСМ има донесено решение со коешто се воведува администрација во АЛТА банка АД Битола.