Алта Банка не смее да одобрува нови кредити и да ги продолжува постоечките

Кредитната активност на „Алта банка“ АД Битола е ограничена со мерки на Народната банка, кои се однесуваат на одобрувањето и исплатата на кредитите.

Народната банка воведе ограничувања и во кредитирањето на „Алта банка“ АД Битола, како дел од мерките за време на тримесечната администрацијата.

Со решението се забранува одобрување нови кредитни изложености, како и пролонгирање на веќе одобрените, односно продолжување на нивните рокови.

Граѓаните и компаниите кои имаат кредитни задолжувања во Алта Банка Битола треба да продолжат редовно да ги исполнуваат своите обврски.

Со решението од 1 ноември, за администратори се именувани Илија Андовски, Весна Стојчевска и Марија Тодоровска, кои ги преземаат надлежностите на управните тела и Собранието на акционери, со исклучок на одлуките за зголемување на капиталот.

Тие имаат рок од 21 ден да ја утврдат целокупната состојба во банката и да достават извештај до Народната банка.