Најавени посебни шалтери и подигање и по 20.000 денари од Алта Банка за пензионерите без картички

Гувернерот Трајко Славевски вечерва во разговор за Телма најави дека за оние граѓани што немаат платежни картички за подигнување готовина од банкомат се подготвува посебна организација. Се прави список на граѓаните без картички, главно пензионери и тие до среда треба да бидат известени за можноста да подигнуваат готовина на шалтер.

„Ќе ја промениме одлуката само за нив, заради логистика, односно да не доаѓаат почесто, да можат да подигнат поголема сума. На пример, со едно одење на шалтер да можат да подигнат 20 000 денари, кое би покрило две недели“,рече Славески.

Нагласи дека решението ќе се реализира посебно во Битола, каде што се концентрирани поголем дел од корисници на услуги на банката.

И владината портпаолка Марија Митева вечерва, во емисијата „24 Анализа“ на Телевизија, изјави дека за оние кои немаат платежни картички, ќе бидат обезбедени посебни шалтери за подигнување на средствата.