Од полноќ поскапуваат и бензините и дизелот

Со новата одлука, ЕУРОСУПЕР БС-95 поскапува за два денари и ќе чини 93 денари за литар, додека ЕУРОСУПЕР БС-98 ќе се продава за 95 денари за литар.

Новите цени ќе важат од 3 ноември на полноќ.

Цената на ЕУРОДИЗЕЛ се зголемува за еден денар и од утре ќе изнесува 100 денари за литар.

Без промена останува цената на екстра лесното масло за домаќинство (ЕЛ-1), која ќе изнесува 110 денари за литар. Мазутот М-1 НС поскапува за 1,300 денари за килограм, па новата цена ќе изнесува 55,573 денари.

Во пресметката на РКЕ се применети владините мерки за намален ДДВ од 10 проценти за дизелот, како и намалената акциза од два денари за литар кај бензините и четири денари за литар кај дизелот.