Регионалната ѕвезда Данијела Мартиновиќ го наполни плоштадот во Ресен: Незаборавно финале на овогодинешниот „Јаболкобер“

Со одлична музика, позитивна енергија и рекорден број гости од цела Македонија, синоќа во Ресен беше заокружена третата и последна вечер од забавниот дел на традиционалната манифестација „Јаболкобер“.

Главна ѕвезда на завршната вечер беше балканската музичка ѕвезда Данијела Мартиновиќ, која ги собра посетителите на градскиот плоштад и приреди атмосфера за помнење. Присутните во еден глас ги пееја нејзините најголеми хитови, правејќи вистински спектакл за сите генерации.

Покрај Данијела, за одличната забава и доброто расположение се погрижија и Александар Прија и Наум Бумбаровски, додека музичката програма беше финално заокружена со енергичниот настап на ConTruDJBand.

За успехот на настанот се огласи и градоначалникот на Општина Ресен, Јован Тозиевски, кој истакна дека „Јаболкоберот“ уште еднаш потврдил оти Ресен и Преспа имаат капацитет да бидат врвни домаќини на големи музички имиња и настани кои ја обединуваат цела држава.

Фотографии: Општина Ресен