Прв фестивал на кинески филм во Битола - од 5 до 8 октомври во Центарот за култура Битола

Првиот фестивал на кинески филм во Битола ќе се одржи од 5 до 8 октомври 2026 година во Центарот за култура Битола.

Македонската публика за прв пат ќе има можност да запознае дел од современата кинеска кинематографија преку осум филмови, кои опфаќаат различни жанрови, теми и приказни – од современа драма и анимација, до фантастична авантура и филмови инспирирани од кинеската култура и традиција.

По повод првата соработка со фестивалот, влезниците ќе бидат бесплатни.

Свеченото отворање е предвидено со проекцијата на филмот „Сонцето изгрева над сите нас“, во режија на Цаи Шангџун, на 5 октомври 2026 година, во 20:00 ч. во Голема сала на НУ Центар за култура Битола.

Филмот се фокусира на човечките односи и емотивните искуства, следејќи ги приказните на обични луѓе и нивните лични избори, животни предизвици и внатрешни трансформации.