Излезе од печат четвртиот дел од популарниот серијал „Души близнаци во универзумот на антиматеријата“

Излезе од печат долгоочекуваното продолжение на познатиот роман, насловено како „Души близнаци во универзумот на антиматеријата – Дел 4“ од авторката Весна Здравковска Трајковска, соопштија авторите и издавачите преку официјалната страница „Души близнаци 11:11“.

Новото продолжение носи нова приказна, нови длабоки увиди, неочекувани пресврти и истражување на нови нивоа на свесност. Според првите реакции на оние кои имале можност да го прочитаат делото уште во ракопис, книгата веќе е опишана како вистинско „мало чудо“ кое нуди силно емотивно и духовно искуство.

„Ова не е книга што само се чита, ова е книга што се чувствува и претставува премин кон нови димензии и сознанија што досега не сме ги замислувале“, наведуваат од тимот зад проектот.

Четвртиот дел од серијалот веќе е достапен за читателите, а сите заинтересирани можат да ја нарачаат книгата директно преку официјалната Фејсбук страница Dusi bliznaci 11:11 / Души близнаци 11:11.