Југото оди во Америка - возбудлива приказна на големото платно кое ќе ги разбуди спомените на Југоносталгичарите

Дали Југото беше најдобрата… или најлошата кола на сите времиња? За едни -симбол на едно време, првата кола, патувања, море и безброј спомени.

Со вакво прашање 3Д Киното во Битола го најави новиот филмски наслов на својот репертоар, додавајќи дека патувањето ќе ги однесе гледачите и многу подлабоко - до нивните спомени, корени и личната историја поврзани токму со овој автомобил.

Но што се случува кога едно Југо ќе тргне од Њујорк до Лос Анџелес?

🎬 „ЈУГОТО ОДИ ВО АМЕРИКА“

Четворица милениумци, родени во 90-тите во СР Југославија, тргнуваат на необично патување низ 24 сојузни држави, со едно старо југословенско Југо.

По патот ќе ги запознаат луѓето кои учествувале во увозот на Југото во Америка во 80-тите, денешните југофанатици, Американци и емигранти од постјугословенските држави.

А патувањето ќе ги однесе и многу подлабоко – до сопствените спомени, корени и личната историја нераскинливо поврзана со едно мало, но легендарно автомобилче.

Ова филмско остварување овој септември може да се погледне на репертоарот на 3Д Киното во Центарот за култура во Битола.