Карикатура на талентираната битолска уметничка Кети Радевска изложена во Бразил

Битолската уметница Кети Радевска бележи уште еден меѓународен успех — нејзина карикатура беше избрана и поставена како дел од изложба во далечниот Бразил, во организација на реномираниот Institut GABRIEL.

Радевска ја сподели убавата вест со јавноста, изразувајќи задоволство што нејзиниот уметнички израз и креативност наидоа на признание на светско ниво.

„Моја карикатура на изложба во Бразил“, објави Радевска, потврдувајќи го учеството на овој значаен меѓународен уметнички настан.

Институтот GABRIEL, кој преку уметноста и културата промовира општествена свест, хуманитарни и едукативни пораки, редовно собира дела од признати автори од целиот свет, а присуството на карикатурата на Радевска е уште една потврда за квалитетот и препознатливоста на македонската уметничка сцена надвор од границите.