Грчката писателка Зиновиjа Василеjaди ја претстави својата книга „Сакам секогаш да е ден“ пред младата публика во Битола

Креативност и многу детски насмевки ја одбележаа средбата со грчката авторка Зиновиjа Василеjади, која во Битола ја претстави својата книга „Сакам секогаш да е ден“.

На настанот, одржан во просториите на уметничкото студио „Имагинариум“, младите читатели имаа можност преку интерактивна работилница да се нурнат во светот на детската литература. Преку читање, цртање и заеднички разговор, децата дискутираа за клучните пораки на книгата — љубезноста, грижата за другите и радоста од споделувањето.

Работилницата беше организирана од страна на Одделот за грчки јазик и култура во нашата земја, како дел од програмата на Интернационалниот литературен фестивал „ПРО-ЗА Балкан“.