Грчката митологија оживува во Охрид: „Митот за Амазонките“ на „Охридско лето“

Фестивалот „Охридско лето“ носи вистински визуелен и сценски спектакл инспириран од античката грчка митологија. На 17 јули, со почеток во 21:00 часот, на преубавата сцена на Долни Сарај, публиката ќе има можност да ја проследи танцовата претстава „Митот за Амазонките“ (The Myth of the Amazons).

Спектакл во режија на светски признато име

Зад овој амбициозен проект стои Артемис Игнатиу, меѓународно призната кореографка која на светската јавност ѝ е добро позната како официјален кореограф на церемониите за палење и примопредавање на Олимпискиот оган уште од 2008 година. Нејзиниот специфичен уметнички ракопис ветува врвно доживување кое ги спојува античката историја и модерниот танц.

Приказна за храброста, војната и трагичната љубов

Претставата преку моќта на движењето ја оживува приказната за легендарните жени-воини – Амазонките, ќерките на богот на војната Арес и нимфата Хармонија, познати по нивната несекојдневна храброст и борбени вештини.

Фокусот на кореографијата е ставен на два клучни мита:

Деветтиот подвиг на Херакле – неговата мисија да го одземе златниот појас на кралицата на Амазонките, Хиполита.

Дуелот меѓу Пентесилеја и Ахил – епска битка во која, среде воениот виор, се раѓаат неочекувана љубов и трагедија.

Настанот се реализира со поддршка на ЕДС (EDS), членка на групацијата ППЦ (PPC Group).

Локација: Долни Сарај, Охрид

Датум и време: 17 јули, 21:00 часот

Билети: https://tinyurl.com/483xv7kc