Претставници на МСУ на промоција на новите книги на рок-легендата Дадо Топиќ во Црна Гора

Претставниците на Институтот за култура и уметност при Меѓународниот Славјански Универзитет (МСУ), Михаела Ѓорчева и Иван Спасев, зедоа учество на престижен културен настан во Црна Гора. Тие присуствуваа на официјалната промоција на новите книжевни дела на култниот хрватски кантавтор и еден од највпечатливите рок-вокали на екс-југословенските простори, Дадо Топиќ, како и на познатиот регионален кантавтор Срѓан Марјановиќ.

Настанот се одржа во инспиративниот амбиент на Пјесникова Долина, лоцирана во непосредна близина на величествениот кањон на реката Тара. Оваа културна манифестација привлече голем број уметници, писатели и искрени вљубеници во литературата, музиката и уметноста од целиот регион.

Емотивен наклон кон Македонија

Посебен белег на настанот остави изведбата на безвременскиот хит „Македонија“ од страна на самиот Дадо Топиќ. Оваа легендарна композиција, која со децении буди силни емоции и поврзува генерации низ Балканот, уште еднаш ја потврди силната културна и емотивна врска на авторот со македонската публика и култура.

„За Македонија, Дадо Топиќ има навистина посебно значење токму преку оваа песна, која и денес се пее со ист жар“, истакнаа претставниците од Институтот.

Градење мостови за меѓународна соработка

Од Меѓународниот Славјански Универзитет потенцираат дека учеството на вакви регионални настани е од клучно значење за нивната мисија. Тоа отвора нови перспективи за зајакнување на меѓународната соработка во сферата на културата и високото образование, вмрежување со истакнати регионални уметници и институции и промоција на вредностите и креативниот потенцијал што Институтот за култура и уметност при МСУ активно ги негува.

Претставниците на МСУ упатија јавна благодарност до црногорските организатори за упатената покана, беспрекорната организација и исклучително топлото гостопримство, кое уште веднъш ја покажа моќта на уметноста да ги зближува луѓето.