Светскиот диџеј Steve Aoki доаѓа во Битола на 2 август - Бесплатен концерт за 35 години независност на Македонија

Спектакл во Битола: Со бесплатен концерт на светската мегаѕвезда Стив Аоки започнува прославата на 35 години независност

Месец август ја носи големата најава за почетокот на одбележувањето на значајниот јубилеј – 35 години од независноста на Македонија. Старото јадро на прославата, која својот финиш ќе го доживее на 8 септември, започнува токму на најголемиот македонски историски празник, Илинден. И тоа во Битола, со вистински музички земјотрес предводен од еден од апсолутно најактуелните и најбараните светски диџеи на денешницата – Стив Аоки (Steve Aoki)!

Како што официјално известуваат од продукцијата „Авалон Интернационал“ (Avalon International Booking), по повод овој голем државен јубилеј, влезот за спектакуларниот настап на Стив Аоки на 2 август во Битола ќе биде целосно БЕСПЛАТЕН за сите посетители.

Славниот диџеј, кој е препознатлив ширум планетата по своите неверојатно енергични, експлозивни и визуелно импресивни шоуа, ветува ноќ за паметење под отворено небо.

Домашна поддршка за комплетно музичко доживување

За атмосферата да ја достигне точката на зовривање и за комплетно целовечерно електронско искуство, пред битолската публика ќе настапат и звучни имиња од домашната сцена. На Стив Аоки зад пултот ќе му се придружат: Cyrillic, Tasev, Monarch, Face.

Од организацијата најавуваат дека ова е само почеток на прославата на 35-годишнината од независноста, која се отвора во голем стил и со врвна светска продукција.

Пораката за претстојниот празничен викенд е повеќе од јасна и веќе ехото се шири низ социјалните мрежи: За 2 август каде и да си – во Битола да си!