Светската ѕвезда Стив Аоки приреди ноќ за паметење - го развиори македонското знаме и честиташе 35 години независност

Светската музичка ѕвезда Стив Аоки приреди ноќ за паметење на стадионот „Петар Милошевски“ во Битола, каде што со исклучителна енергија и посебен гест ја воодушеви битолската публика. Неговиот голем концерт беше дел од централната програма за одбележување на Илинден и јубилејните 35 години од независноста на Македонија.

Еден од најемотивните моменти на синоќешниот спектакл се случи кога познатиот диџеј го крена и го развиори македонското знаме пред преполнетите трибини. Со овој потег, Аоки упати директна честитка за големиот државен празник, што предизвика силни овации и одушевување кај сите присутни.

Американскиот артист, познат по своите динамични сценски настапи, уште еднаш потврди зошто важи за еден од најбараните диџеи на глобалната сцена. Музичкото шоу во Битола помина во знак на масовна забава, врвна звучна продукција и празнична атмосфера што долго ќе се раскажува.

Концертот, организиран од продукцијата „Авалон“, беше целосно бесплатен и најавен како вистински музички земјотрес за празникот Илинден. Покрај Аоки, за домашната поддршка и енергичната атмосфера беа задолжени и познатите домашни имиња Cyrillic, Tasev, Monarch и Face.