Странецот - Нова премиера во битолскиот тетар

На сцената на НУ Народен театар Битола, утре со почеток во 20:00 часот, премиерно ќе биде изведена претставата „Странецот (секогаш кога ќе ја пронајдам смислата, ја менуваат)“. Станува збор за авторски проект на режисерот Дамјан Читкушев, работен по мотиви од филмот „Јаник“ и други релевантни материјали.

Овој проект е плод на копродукциска соработка помеѓу Народниот театар од Битола и Здружението „Купола“ од Штип. Претставата ја истражува апсурдноста на секојдневието и постојаната борба на поединецот да пронајде цврста точка во свет кој е во вечна метаморфоза.

Во главните улоги настапуваат: Ана Грамосли, Дритон Вејсели и Николче Пројчевски.

Режијата и драматургијата се потпишани од Дамјан Читкушев, додека визуелниот и техничкиот идентитет на претставата го обликуваше искусен тим на соработници:

Сценографија: Бојана Исијанин

Костимографија: Андреј Ѓоргиевски

Дизајн: Ане Блажовски

Видео: Владимир Переловски

„Секогаш кога ќе ја пронајдам смислата, ја менуваат“ – поднасловот на претставата јасно алудира на егзистенцијалните прашања со кои се соочува современиот човек, пренесени низ специфичен театарски јазик.