Зголемен интерес за инженерските науки: Запишани 160 нови студенти на Техничкиот факултет во Битола - 25% повеќе од просекот во последните 6 години

Техничкиот факултет во Битола (ТФБ) забележа значаен пораст на интересот за инженерските науки со запишувањето на 160 нови студенти во оваа академска година. Новите академици одбраа да го градат своето образование во некоја од бројните инженерски дисциплини кои се изучуваат на факултетот.

„160 студенти се запишаа оваа година на Технички факултет Битола, да студираат некоја од инженерските дисциплини кои се изучуваат на нашиот факултет. Ова е зголемување од над 25% на бројот на студенти во однос на просекот во последните 6 години.“, соопшти Техничкиот факултет во Битола.

Овој резултат е потврда за растечката привлечност и важност на инженерските професии меѓу младите.

Од факултетот изразуваат задоволство од ваквиот позитивен тренд и нагласуваат дека зголемениот број студенти е мотив плус за продолжување со квалитетна едукација и подготовка на идните инженерски кадри.