Артилериски гранати и во потпелистерието - остатоци од Прва светска војна кај Магарево

Артилериска граната од Првата светска војна била пронајдена во нива во атарот на битолското село Магарево, информираат од Министерството за внатрешни работи.

Случајот бил пријавен на 25 јуни во СВР Битола, по што на местото излегол пиротехничар од Дирекцијата за заштита и спасување – Битола.

По извршената проверка, било констатирано дека станува збор за артилериска граната со калибар од 75 милиметри, која потекнува од периодот на Првата светска војна.