Млади лидери под ѕвезденото небо: ИМКА организираше астрономска вечер на Националниот парк Пелистер

Националниот парк Пелистер беше домаќин на незаборавна вечер во рамките на програмата Young Men s Leadership Project (YMLP), организирана од ИМКА.

Чистиот планински воздух и отвореното небо над Националниот парк Пелистер послужија како совршена подлога за една од најупечатливите активности на овогодинешниот лидерски камп.

Учесниците на проектот имаа ретка можност преку практично набљудување да ги откриваат тајните на универзумот, водени од Радан Митровиќ, претставник на Скопското астрономско друштво. Трагањето по далечните планети, соѕвездија и небесни тела им овозможи на младите лидери да стекнат поинаков агол на гледање на светот околу себе.

Оваа астрономска вечер остави силен впечаток кај сите присутни, издвојувајќи се како еден од највредните моменти и спомени од целиот камп. Во рамките на кампот, учесниците имаа уникатна можност да го истражуваат универзумот под отворено и чисто небо над Баба Планина. Со посебно предавање и водство на Митровиќ од Скопското астрономско друштво, младите лидери откриваа соѕвездија, планети и приказни испишани на ноќното небо.

Од ИМКА истакнуваат дека оваа вечер останува една од нивните омилени спомени од кампот, потсетувајќи дека понекогаш погледот кон ѕвездите е најдобриот начин да се добие нова перспектива за животот и лидерството.