Бамби експресно доби лонгети од Швајцарија - потребно е уште помош за спас на срнчето

Навистина останавме без зборови. Бамби нè спои со едно прекрасно семејство кое несебично се грижи за многу животни. Во најтешките моменти, токму добрината знае да го пронајде својот пат.

Со нивна помош, Бамби експресно доби лонгети донесени од Швајцарија, со чија поддршка полека се обидува да застане на нозе. Тие се грижат за Бамби деноноќно, соопштија денеска од Анимал Рескју Проџект.

Прогнозите, за жал, сè уште не се воопшто охрабрувачки. Но додека таа се бори, ќе се бориме и ние.

Потребни ѝ се чести преврски, а за нив секојдневно се трошат медицински материјали.

Во моментов најпотребни ни се: • Гази

• Бетадин

• Најважно – еластични завои како оние на фотографијата

Овие завои може да се најдат кај некои ветеринарни амбуланти или да се нарачаат онлајн.

Ги замолуваме сите кои сакаа и пишаа да помогнат за Бамби, својата поддршка засега да ја насочат токму кон набавка на овие медицински материјали.

Во моментов не се потребни парични донации.

Доколку сакате да донирате некој од наведените материјали, ве молиме пишете ни порака за да се договориме околу преземањето или доставата.

Ви благодариме од срце за секоја порака, секое споделување и секој гест на хуманост, велат тие.