Битола се подготвува за вински фестивал - Два дена исполнети со врвни вина, извонредни вкусови и музика

Битола наскоро ќе биде центар на врвните вкусови, добрата музика и незаборавната забава. Во „Bliss Mall & Retail Park“, на 31 октомври и 1 ноември, градот ќе биде домаќин на дводедневен вински фестивал кој ветува одлична атмосфера за сите љубители на виното и гастрономијата.

На настанот ќе земат учество реномирани винарии, кои на посетителите ќе им понудат богат избор на врвни вина, комплетирани со вкусни гастрономски специјалитети. Фестивалите од ваков тип стануваат сè попопуларни, нудејќи им можност на граѓаните и гостите да уживаат во спојот на традицијата, винската култура и модерното дружење.

Богата музичка програма

Покрај винските дегустации, организаторите подготвиле и привлечна музичка програма во периодот од 13:30 до 16:30 часот:

Сабота (31 октомври): За добрата атмосфера ќе се погрижат музичките состави The Boyz и Sound Waves.

Недела (1 ноември): Посетителите ќе уживаат во настапите на N.A.L.A band, Димитар Андоновски, како и Dona & Friends.

Настанот ќе се одржи во Bliss Mall & Retail Park – Битола, со отворена покана за сите граѓани кои сакаат да го прослават викендот во знакот на убавите моменти и квалитетното вино.

Фотографија: Unsplash