Како се спремаше традиционалното манастирско гравче во манастирот „Св. Петка“ - Традиционални Брајчински средби

Жителите и посетителите на селото Брајчино и оваа година ја продолжуваат традицијата за одбележување на големиот верски празник и селска слава Св. Петка со богата програма и традиционални собири.

Одбележувањето започнува вечерва, на 7 август, со традиционалното манастирско гравче во манастирот „Св. Петка“, каде што веќе се вршат интензивни подготовки за пречек на гостите. Прославата продолжува утре, на 8 август, со голема општонародна веселба во центарот на селото, каде што за музичкиот дел и добрата атмосфера ќе се погрижат познатата група „Фонтана“ и Анастасија Митровска.

Организаторите ги покануваат сите верници, иселеници и добронамерници да бидат дел од традиционалните Брајчински средби и заедно да ја прослават селската слава.