По повод Светската недела на децата, градоначалникот на Новаци во својот кабинет ги пречека најмладите жители на општината

По повод Светската недела на децата, градоначалникот на Општина Новаци, Стевче Стевановски, во својот кабинет ги пречека најмладите жители на општината – дечињата од детската градинка „Бамби“.

Посетата помина во весела атмосфера исполнета со песни, игри, детска смеа и дружење, при што најмладите му ги пренесоа своите насмевки и позитивна енергија на општинското раководство.

Градоначалникот Стевановски истакна дека децата се најголемата радост и иднина на секое општество, потсетувајќи на обврската на локалната самоуправа за создавање подобри услови за нивниот развој.

„Нашите деца се нашата најголема радост и иднина, а наша обврска е да создаваме безбедна, среќна и поттикнувачка средина во која секое дете ќе расте, ќе учи и ќе ги остварува своите соништа. Да ги чуваме детските насмевки, да ги поддржуваме нивните соништа и секој ден да им покажуваме колку се важни“, порача Стевановски.

Со оваа средба Општина Новаци на најмладите им ја честиташе Светската недела на децата.

Фотографии: Општина Новаци