Детските раце цртаа и ткаеја, откривајќи ја приказната зад секоја нишка - работилница на фествалот Илинденски денови

Детските раце цртаа и ткаеја, а педагозите и менторите ја пренесуваа приказната зад секоја нишка.

Со многу љубопитност, креативност и насмевки се одржа детската ликовна работилница „Народната култура – трајна инспирација во моето творештво“, каде најмладите имаа можност да се запознаат со традиционалното ткаење и вредностите на македонското културно наследство.

Во работилницата во Битола учествуваа 75 ученици од 8 основни училишта, под водство на 19 ментори, а своето знаење и искуство несебично го пренесоа Лилјана Христовски, Весна Дунимагловска, Анкица Стевановска, Веселин Поповски, Тони Гламчевски и Вера Соклевска.

Работилницата заврши со проекција на етнографски филм, заокружувајќи едно инспиративно дружење во кое уметноста, образованието и културното наследство се споија во едно незаборавно искуство.

Традицијата е најжива тогаш кога ќе ја препознаат, ќе ја научат и ќе ја продолжат најмладите, порачуваат од фестивалот Илинденски денови.

Фотографии од фестивал Илинденски денови: Диоген Хаџи Коста Милевски