Голем број млади битолчани решија денот на независноста да го прослават на Пелистер - планината како симбол на обединување

По повод 8 септември денот на независноста, повеќе од 3000 битолчани и посетители од соседни општини беа дел од еден сосема поинаков музички настан на Пелистер.

Осумчасовната забава со Svaba, KeeKetz, Дупер и ConTruDJ, надополнета со магијата на Пелистер, љубовта на битолчани за природата и желбата за едно поразлично дружење, прерасна во настан за паметење.

Битолчани повторно покажаа дека се пример за тоа како достоинствено и културно се прославува и истовремено се промовира она што е наше најголемо богатство. Настанот беше организиран од Национален парк Пелистер во соработка со Project 7000 и со поддршка на Општина Битола, Prespa Ohrid Nature Trust - PONT и Министерството за животна средина.