Битолчанецот Горан Исков на чело на ВМРО ДПМНЕ Битола

Битолчанецот Горан Исков е назначен на чело на ВМРО ДПМНЕ Битола. Toj е новиот претседател на Општинскиот комитет на ВМРО-ДПМНЕ Битола, одлучи претседателот Христијан Мицкоски, а одлуката беше соопштена по седница на Извршиот комитет на ВМРО-ДПМНЕ.

„Драги битолчани, по одлуката на Извршниот комитет, а по предлог на претседателот Христијан Мицкоски, чест ми е да соопштам дека ми е укажана довербата да го водам најголемиот ОК на ВМРО-ДПМНЕ, ОК Битола. Довербата која ми ја доделија ме исправа пред огромна одговорност. Оваа позиција ќе ја спроведувам не сам, туку како и досега рамо до рамо со членството, пратениците, градоначалникот и сите битолчани. Позицијата претседател на ОК Битола за мене претставува голема чест, мотивација но во ист момент голема обврска и заложба за успех. Голема благодарност до досегашниот претседателот на ОК БИТОЛА Пеце Милевски кој несебично го водеше општинскиот комитет, за целосниот негов ангажман и водењето низ неколку изборни победи.“-изјави Исков. Тој се заложи за слушање на потребите на граѓаните.„Ветувам многу работа, чесен и одговорен пристап, достапност до сите членови, поддржувачи симпатизери и обични граѓани. Ќе ја јакнеме организација, ќе го чувстуваме пулсот на народот и заедно ќе ја водиме Битола напред со честити граѓани што го заслужуваат најдоброто.“-рече тој.

Горан Исков е актуелен директор на хотел “Молика“, а во додесегашниот политички ангажман бил и потпретседател на ОК ВМРО-ДПМНЕ Битола.

Тој е дипломиран информатичар на факултетот за информатика ФИКТ Битола.