ЈКП „Пролетер“ – Ресен: Најавен времен прекин и намален притисок во водоснабдувањето во сабота во Преспа

Јавното комунално претпријатие „Пролетер“ од Ресен ги известува граѓаните дека во сабота (12 септември 2026 година), во периодот од 07:00 до 12:00 часот, ќе дојде до намален притисок во снабдувањето со вода за пиење, а на места и до прекин.

Причина за ова е најавениот прекин во снабдувањето со електрична енергија од страна на Електродистрибуција, што директно ќе се одрази врз работата на водоводниот систем.

Намалениот притисок, а на одредени места и целосен прекин на водата, најмногу ќе се почувствува во повисоките зони од градот, како и во населените места на потегот од Царев Двор до Козјак и Сирхан.

Од ЈКП „Пролетер“ апелираат до жителите од овие региони навремено да обезбедат потребни количини вода за основните потреби во наведениот временски период.