Под дејство на алкохол, без дозвола и без кацига возеле во центарот на Битола - одземени 8 возила, казнети 77 возачи на тротинети и мотоцикли

Акциска контрола на подрачје на СВР Битола заврши со 52 санкции за возачи на мопеди и мотоцикли и 25 казни за возачи на електрични тротинети.

На 07.09.2026 во периодот од 16:00 до 22:00 часот на подрачјето на СВР Битола е спроведена акциска контрола за санкционирање на прекршоците што ги прават возачите на мопеди и електрични тротинети. За време на контролата преземени се 52 мерки против возачи на мопеди и мотоцикли, од кои 33 за некористење на заштитен шлем – кацига, четири за возење под дејство на алкохол, пет за необновена полиса за осигурување, еден за измината важност на сообраќајната дозвола и девет останати прекршоци. Исто така, за време на акциската контрола преземени се 25 мерки против лица кои управувале електрични тротинети. Од нив 17 за некористење кацига и рефлектирачки елек навечер, две за управвуање по несоодветна површина, една против лице кое не наполнило 18 години и пет останати прекршоци, информира МВР:

При контролата откриени се и осум кривични дела по член 297-а од Кривичниот законик и одземени се осум моторни возила.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, порачаа од МВР.