Кромберг & Шуберт Македонија по осми пат додели стипендии за студентите од УКЛО – Битола

Компанијата „Кромберг & Шуберт – Битола“ традиционално, по осми пат, ги додели годишните стипендии за студентите при Универзитетот „Св. Климент Охридски“ – Битола (УКЛО), продолжувајќи ја својата заложба за поддршка на младите таленти и високото образование.

За академската 2026/2027 година, нов добитник на стипендијата е студентот Теодор Трајановски, кој ги исполни високите критериуми на компанијата и стана дел од оваа стипендиска програма. Покрај него, согласно остварените резултати, стипендиите им беа успешно продолжени и на четирите претходни стипендисти: Катерина Николовска, Дарко Талевски, Никола Најдовски и Андреј Баковски.

На свеченото доделување присуствуваа и високи претставници од Битолскиот универзитет, предводени од Ректорот, проф. д-р Игор Неделковски, раководителката на Центарот за кариера, проф. д-р Јасмина Буневска Талевска, д-р Гоце Марковски – советник за кариера, Алумни и доживотно учење, како и Даниела Андоновска Крстанова – виш соработник во истиот центар.

Од раководството на „Кромберг & Шуберт“ изразија благодарност до универзитетскиот кадар за долгогодишната успешна соработка, со желба истата да продолжи и во иднина. Од компанијата порачаа дека квалитетното образование е клуч за успешна иднина и создавање професионалци кои ќе ги носат иновациите во општествот