На Меџитлија нема подолго задржување на граница

Сообраќајот на државните патишта низ Македонија се одвива непречено, по претежно суви коловози. Фреквенцијата на возила на патните правци надвор од градските средини е очекувано зголемена, што е карактеристично за овој летен период од годината кога започнува бранот на годишни одмори.

Според последните информации од Авто-мото сојузот на Македонија (АМСМ), на граничниот премин Меџитлија во моментов нема подолги задржувања за влез и за излез од државата. Протокот на патници и автомобили се одвива брзо и без застои, што го прави овој премин одлична алтернатива за патување кон соседна Грција.

На останатите гранични премини од македонска страна, според официјалните податоци, нема подолги задржувања за влез и излез од државата.

Од АМСМ со апел до сите возачи за прилагодена брзина на движење, строго почитување на поставената сообраќајна сигнализација и исклучително внимателно управување со возилата. Ова особено се однесува на патиштата низ котлините, речните долини и клисурите, каде што постои постојана опасност од појава на одрони.