Осветен храмот „Св. Никола“ во село Беровци: Нов духовен дом и место за заедништво

Денеска во селото Беровци свечено беше извршено осветувањето на новоизградениот храм посветен на Свети Никола. На овој значаен настан присуствуваа бројни жители, гости и верници од прилепскиот регион.

Светиот чин на осветувањето го предводеше Неговото Високопреосвештенство, Митрополитот Преспанско-пелагониски г. Петар, во сослужение на свештенството од епархијата. Со зедничка молитва и литургија беше одбележан овој свет ден, кој претставува круна на повеќегодишниот труд и посветеност на локалната заедница.

„Овој храм е симбол на нашата вера, но и на нашата слога. Тој ќе биде место на заедништво, духовен мир и закрила за сите сегашни и идни генерации“, порачаа присутните на настанот.

Со желби за здравје, мир и благослов во секој дом под закрила на Свети Никола Мирликискиот Чудотворец, настанот заврши во свечена и црковна атмосфера со традиционалниот поздрав За многу години!